主頁, 動漫資訊, 潮玩新聞 — 06/09/2013 at 12:00 pm

《新著中華英雄2013》 凹凸紋封面宣紙跨頁

by
《新著中華英雄2013》$15
《新著中華英雄2013》$15

先投訴,家住油塘,落埋觀塘,都搵唔到甚麼夜光膠片特別版《新著中華英雄2013》第三期,我又唔信一日賣清光呀,一心想睇點夜光法架嘛,家陣算點先?

好彩,普及版《新著中華英雄2013》都唔削,先講封面,甚麼凹凸燙金字書名,十年前已經見過,但玩封面主角凹凸花衫摺痕,印象中真係未見過,正面睇平平無奇,打側睇再摸兩摸,就會發覺成個封面好有質感,過癮也。再講內頁,中間跨面雙頁用宣紙印製,成幅畫嘅構圖係華英雄同木櫻呢對假父女相對望,背景係青山蔥蔥木屋幢幢、漁村木艇再加多幾隻飛鶴,題字曰:「一股思情,兩份微愁,才下眉頭,卻上心頭。」好有意境,唯一要挑剔係景還景,兩個人卻係硬生生Key入去,有啲突兀感,如果一次過畫埋華英雄同木櫻入畫,咁就一百分嘞。

花衫摺痕出晒嚟,摸上手好有凹凸感。
花衫摺痕出晒嚟,摸上手好有凹凸感。
中間跨頁,畫得好有意境。
中間跨頁,畫得好有意境。