fbpx
主頁, 動漫資訊, 潮玩新聞 — 03/09/2013 at 4:38 pm

《遇見妳,是我最大的福氣》 天航出書曬幸福

by

2p

明白嘅,結婚係人生大事,總希望將喜悅同人家分享,天航新婚無幾耐,已經開心得要同讀者分享快樂點滴,所以如無意外,買呢本書應該買得到開心。

天航喺面書專頁咁樣宣傳自己本新書,寥寥數字,嗰份溫馨甜蜜已經隔住個Mon滲出嚟──「想不到我和老婆可以出一本書,來紀念這一生一次的大事。」兩公婆一齊執筆,唔知有無爭拗呢?不過斷估有都係增進感情式爭拗;「為了讓讀者覺得這是一本有文藝氣息的書,用了《遇見妳,是我最大的福氣》這書名,而下方的小字『到底哪來的勇氣和你結婚?』才是真正的書名。」拿出勇氣先結到婚?唔通內裡大有送章?不過點都好,睇得出刻下嘅天航,肯定覺得自己係全世界最幸福嘅人。呢本天航自稱為「香港老公+台灣老婆的爆笑實錄」應該幾好笑,人家幸福,我哋都應該高興,。9月10日出版,價錢未定。

資料來源:https://www.facebook.com/tinhongpub