fbpx
Tablet, 主頁, 硬件資訊, 電腦新聞 — 22/05/2012 at 12:41 am

Leap Motion 十隻手指操電腦

by

睇科幻片、日本動漫!呢個世界仲邊度有Keyboard同Mouse0架?點解我仲要用佢嚟打稿,唔想咁樣,就快啲網上Pre-Ordear個Leap Motion,佢可以將普通電腦芒,變成Kinect咁用手部動作操控,對唔住!佢標榜係勁過Kinect,搞到Cheap晒0忝!

Leap Motion簡單講,有咗佢你就可以用「手部動作」操控電腦;原形好似半條Notebook電池咁款,不過佢無電眼,詳細係點做到Motion Capture亦無講解,不過只要你放佢喺大家嘅Keyboard位的枱面,配合專用軟件就用得!

最強係佢感應到你嘅兩隻手同十隻手指,點解咁標榜?睇過佢試玩片就知!兩隻手或兩隻手指拉大縮細地圖,基本大家明亦無難度,最難得係睇佢竟然用手攞起支筆,凌空簽名都無問題!最恐怖係可以完全操控於1cm範圍內,意即佢嘅精確度非常之高。

再睇試片,佢用一隻手指頭郁郁郁,就可以喺上30”大芒之上玩《Fruit Ninja》,嗰種瀟洒法,就算大家用iPhone都唔得囉!最嚟係用食指同手指公做成手槍姿勢──打第三身槍Game,食指指向邊就行去邊,跟手係指公一屈埋就開槍,咁樣打FPS,我估會相當屈機;跟手係兩隻手鈎住手指公扮雀隻打3D飛機Game,同用兩隻手畫出3D圖像,總知唔睇就笨喇喂!

最後苦茶最感動,係片中西人竟用一對筷子打《Angry Birds》,用筷子食薯片、飲汽水我都見過,打機真係唔知咁都得!預計今年底內推出,約價76美金。

httpvh://www.youtube.com/watch?v=_d6KuiuteIA

 

查詢網址:http://www.leapmotion.com/