主頁, 其他相機, 相機新聞 — 22/05/2012 at 12:37 am

Leica M Monochrome 週四香港發報

by

黑白菲林點解份外有Mood?點解數碼相機影黑白相時、黑位永遠灰灰唔夠實?嚟緊星期四大家終於可以重拾黑白膠卷情懷,5.10喺柏林發布嘅全球第一台35mm「全片幅」黑白數碼相機Leica M Monochrome,會喺香港作正式發布,Leica迷又要唔見錢喇!

驟睇Leica M Monochrome,無論規格同外形幾乎同M9-P一樣,不過唯一大不同處,係佢粒1800萬像素CCD感光元件改為「黑白採光」設計(完全唔可以影彩色相)!由於CCD表層去除了彩色濾鏡,所以採光能力會更高。而且成像後亦唔需要作「反摩爾紋的處理」(即平時細緻位常見的雲霧狀),所以成像會更原汁原味,甚麼叫「牛奶的黑」,唔該企定定、坐定定睇吓!

預計售價可在6萬元開外,呢杯「黑奶」,真係幾肉赤!

 

測試相片!