聖誕節就快到, 老例又係EVANGELION Cake出動嘅時候……其實真係幾牽強, 呢幾日熱到我生熱痱! 唔經唔覺, 由2010開始年年出, 令次已經係第5彈喇! 結局未出，今次再食《新世紀福音戰士新劇場版Q》, 公仔就用黑色戰鬥服嘅凌波麗做主角, 而蛋糕就好似係第2.5次衝擊後嘅地球, 係血紅色架!
個士多啤梨蛋糕面仲特登㓤到一個個窿窿, 朱古力仲要溶溶哋扮廢墟, 嗱! 呢招高喇! 個蛋糕熱到溶咗, 個客收到都冇得詐型! 特登架! 你唔係唔知呀?
另一樣好踢腳嘅, 係今次凌波唔再玩朗努基斯之槍, 竟然改撚MARK. 09嗰把鐮刀, 大佬呀! 用佢切蛋糕? 佢刀口向內又切唔到, 攞佢當叉用咩? 我又驚佢鈎親我條脷, 甚至俾佢Chok泥鯭, 呢件嘢真係冇叉用……其實如果堅俾我買到, 我都真係唔會捨得用。日本嗰邊今日開始接受預訂, 12月派貨, 價錢4,410円。
http://p-bandai.jp/item/item-1000083101/
EVANGELION Cake小資料 ネルフ本部型ケーキ(2010年) 使徒ロールケーキ(2011年) 月面ケーキ＆渚カヲル(2012年) 使徒ケーキ＆式波・アスカ・ラングレー(2012年)