Kickstarter冇上幾日, 又發現好嘢! 有位Thomas Larson嘅哥仔, 諗到件叫Cell Phone Based Microscope嘅東東, 簡單講佢係一粒鼻屎咁大嘅軟膠(直徑6mm), 而且有一定嘅附着性, 只要你貼佢喺鏡頭上面, 佢就可以做到15X放大效果, 如果對應埋手機變焦, 最高可以做到60X倍乘效果! 簡直有媲美顯微鏡咁嘅放果? 佢試過放埋電視螢光幕度, 可以將一粒粒Pixel放到牛乸咁大嚟睇! 放上Kickstarter兩日, 籌旗已經差唔多達標, 估計應該好快成事!
其實佢都俾咗我少少啟發我, 其實手機外加鏡頭唔需要咁大陣仗, 原來一粒軟膠貼上鏡頭就用得! 希望以後啲甚麼Filter、功能鏡片都效發佢呢種設計, 一來成本、賣價都會變得好平, 而且十零廿粒貼住喺機背, 又可以隨時攞起上手就用, 你話成個世界係咪簡單好多先!?
