fbpx
主頁, 影音新聞, 電影 — 22/08/2013 at 11:00 am

【有片】《被偷走的那五年》,失憶白百何超靚!

by

aaa

睇戲名,《被偷走的那五年》;睇預告片三段字幕,「當時間改變最初」、「當回憶停留曾經」、「有些人在心底從來沒忘記」;望埋邊個導演,黃真真,明晒,入得場,帶定紙巾啦。

五年時間,好多事都可以變到面目全非,愛情亦然,海誓山盟都可以變成陌路人,呢個就係《被偷走的那五年》嘅主軸嘞。故事講主角謝宇(張孝全飾)同何蔓(白百何飾)係對恩愛夫妻,某日何蔓訓醒,發覺世界完全陌生,原來一次交通意外導致佢昏迷五年,醒訓之後,記憶仲停留喺五年之前,佢無法相信自己已經同謝宇離婚,亦唔明點解同昔日好友反目成仇,更加難堪自己老公鍾意咗第二個女人。五年時間,中間究竟發生咗乜事?邊個偷走佢嘅愛情?何蔓好想知,而張宇亦答應幫佢搵番記憶……結局係點,自己睇啦。 黃真真最擅長描寫男女關係,拍愛情片有一手,睇《被偷走的那五年》應該喊得出,而成條預告片嘅亮點,一定係白百何,好靚,靚得嚟好有氣質,淨係睇佢,我覺得已經值回票價。(9月12日上映)

劇照

2p

3p

4p