喪屍殺埋身，開槍遲啲都死。
嚴重警告！半夜三更玩「An Evil Dead Zombie Killer Shooting Guns-3D Scary Sniper Fighting Games」，請先帶Headphone，因為喪屍叫得好悽厲，嚇親枕邊人就唔好喇。
開槍打喪屍，聲效一絕，槍聲好實在，喪屍中槍嗰幾下，真係嗌到你起晒雞皮；畫面質素又係靚到啫，大廈、街燈、天空，好有3D效果。作為玩家嘅你，揸住坦克車巡經十字路口，喪屍喺四面八方湧埋嚟，掂到你就扣生命值，主觀鏡開槍，校砲上下左右移動超順暢，想知喪屍喺邊個方向殺埋身，右上角有標示。武器方面，除大砲外，仲有攻擊力強橫嘅手榴彈、可以封死喪屍行動嘅冰冰，非必要時咪用，隨時救你一命架。畀貼士，班喪屍好醒，最鍾意成群喺正面衝埋嚟，剩番一隻半隻喺你身後攻擊，一個唔留心就好易賴嘢，經常性保持360度開槍，有著數呀。
iPhone下載：https://itunes.apple.com/hk/app/evil-dead-zombie-killer-shooting/id685338788?l=zh&mt=8&ls=1
成個坦克車染晒血，戰況好壯懷激烈呀。