fbpx
主頁, 動漫資訊, 潮玩新聞 — 17/08/2013 at 5:35 pm

新片速報 又嚟Flipbook,悟空戰超人打拳腳交!

by

1p

又有最新Flipbook睇嘞!仲要係睇咁耐以來質素最好一次,悟空戰超人緊張刺激,唯一要挑剔嘅係──未畫完,Part 2要to be continued喎,睇到我到喉唔到肺,頂吖!

點解話係質素最高一次呢,一,有配音,悟空出龜波氣功會大嗌,超人中招會大叫,霹霹嘭嘭都不知打得幾燦爛;二,畫功細緻咗,悟空同超人五官面相無走樣,身材比例亦掌握得超好;三,顏色悅目咗,大橙就係大橙,大藍就係大藍,感覺無之前嗰啲咁污糟巡遢;四,格數畫密咗,Flip出嚟嘅效果更似一套動漫;五,有心思,唔單止畫鬥出波、鬥出死光,連拳腳交都有,最尾仲……真係好期待Part 2快啲有得睇。