fbpx
主頁, 專題熱話, 影音新聞, 電影 — 16/08/2013 at 9:10 pm

16/8一週碟報價:天機玩122分鐘加長版 S&M HD BENCHMARK玩3D調校

by

page_TF20130816_101

 

今個星期片唔多, 不過就有兩套神級之作! 不過一個天堂、一個地獄! 先講《天機.富春山居圖》! 劉德華、林志玲、張靜初、佟大為, 仲要有拳頭、有寢頭, 劉華做007特務喎! 仲要玩埋奪寶喎! 你講得出嘅、諗得到嘅劇情都有; 不過全部加埋, 佢唔係一碗成功嘅哪咋麵! 由於上畫時影評係神級爛片, 相信好多人都冇上戲院睇過, 劉華爛片! 淨係呢四隻大字, 我就覺得要見識吓; 不過寰亞都好醒, 今次佢話係足本版122分鐘首次曝光(戲院版為80分鐘), 經過內容嘅補足, 會唔會令故事更完滿? 再講, 其實上畫前, 國內廣電總局認為該片有損中國公安形象,導致影片部分劇情需要重拍, 足版之後會唔係另一回事? 我覺得值得睇睇!

另一套必買係《SPEARS & MUNSIL HD BENCHMARK 2ND EDITION》! 嗱! 呢隻堅好嘢喇! 對上一版, 據知所有碟迷搶到爆, 周街斷貨, 今次新版多咗3D立體校準模式、揚聲器設置等, 老實! 佢係市面上首隻3D校準專業碟片! 係真心玩家冇得唔撐! 而且如果你真係跟足佢SET, 無論影音組合定砌版電腦都可以發揮出十二成功力, 不過……全英文介面, 上代好多人玩過, 都話要求你英文非一般的女! 而係要好X好先至明佢講乜! 而且Setting時係非一般的吹毛求疵, 努力吧! $235買咗返去, 唔係唔Set呀!? 不過最好預有三幾日長假, 同埋要有無限耐心嘅日子先好開嚟玩! M到日子咪試! 因為你會15分鐘內飛隻碟落街!

 

DVD Pro(2332 6326)
地址: 旺角奶路臣街 6E德發商場地庫B4舖
營業時間 : 1:00pm-10:00pm(公眾假期照常)

 

SONY DSC SONY DSC SONY DSC SONY DSC SONY DSC SONY DSC SONY DSC SONY DSC SONY DSC SONY DSC