fbpx
主頁, 影音新聞, 電影 — 16/08/2013 at 6:15 pm

新片速報:麥兜被譏豬兜,長髮Chok樣辣㷫網民!

by

1p

初頭以為呢條片係惡搞,點知嚟真嘅,港鐵繼推出真人版電視廣告招聘學徒後,今劑仲拖埋麥兜落水,繼續Hardsell溫情,不過都繼續辣㷫網民。

搵個肥妹仔拍嘅真人版電視廣告已經劣評如潮,家陣連麥兜都聯乘埋,網民即時插到飛天。搬字過紙,照抄幾個網民留言俾大家睇睇──「worst麥兜ever,please don’t do this again。」、「完全破壞了麥兜的可愛形象,港鐵唔該唔好污染港產卡通。」、「賣咁Q多廣告托咩!減價回水仲實際啦!」、「我頂,借麥兜嚟扮溫情,收皮啦。」、「信港鐵?你就真係豬兜。」呢幾個留言算好架喇,好多網民激動到爆粗添呀。查實又係嘅,港鐵只加不減謀取暴利嘅壞形象老早深入民心,何解阿麥兜你咁唔知自愛,仲要泊人家碼頭呢?何況長大成人嘅造型一啲都唔討好,麥兜拉長身形再不肥矮,留一頭長髮,仲經常性Chok樣添,唉,可愛味無晒,想Sell溫情反而一啲都唔溫情,呢啲咪弄巧反拙囉。