fbpx
主頁, 影音新聞, 電影 — 12/08/2013 at 2:12 pm

【有片】《重口味》果然重口味,睇DaDa都抵!

by

aaa

重口味等唔等於Cult?唔討論,我亦懶理《重口味》係唔係Cult片,一貫血腥暴力色情等元素有齊,但焦點我一定落喺DaDa好身材之上,Cult唔Cult,關我乜事?
唔係咩?人家金像女配角家陣患情緒,公開話息影,呢套戲分分鐘係佢最後一套螢幕作品,一為睇靚女,二為支持本土製作,打唔打動你科水入場?入番正題,《重口味》同《迷離夜》一樣,都係玩章節式故事拼湊,三個教事分別為黃智亨執導嘅《驚嘩春夢》、羅耀輝執導嘅《有殺有賠》同莊少榮執導嘅《毒菇求愛》;京華春夢、有殺無賠、獨孤求敗,故事名字大玩食字,同Trailer一樣過癮,畫面夾雜文字疲勞轟炸式狂閃畫面,甚麼「連場動作」、「飛車特技」、「毒網風雲」、「勝者為王」、「浪漫感人」、「色情香艷」、「陽具」、「乳溝」、「玩賓周」等等,果然好重口味,真真收到先聲奪人嘅效果,搞到作為大半個DaDa Fans嘅我,真係有打算入戲院捧場。(8月29日上映)