醜到冇朋友 無印飯盒版iPhone 5水殼

我一向都係無印躉, 我覺得佢就算出個銀包、File、香薰都特別有生活品味過人, 不過今次呢件MJ-WPC1真係好過份! 我覺得佢係想將飯盒同防水殼CROSSOVER囉! 搞到成件事麒麟怪怪一樣! 放部iPhone 5入去, 你睇! 仲有虛位剩架! 你話係咪成個飯盒咁大先!

雖然佢有IPX7防水功能, 就算放落水中, 又或者用水喉沖住都唔會入水, 不過芒面防水物料真係有啲難以接受, 佢好似DOM DOM一樣, 係有彈性嘅膠膜嚟架! 你叫我將塊面貼上去……移吔! 硬係接受唔到哩!