fbpx
主頁, 動漫資訊, 潮玩新聞 — 10/08/2013 at 7:04 pm

地方大資料足 動漫基地有驚喜

by
動漫基地裝修好前衛,衰啲講句,齋入去嘆冷氣都抵呀。

動漫基地裝修好前衛,衰啲講句,齋入去嘆冷氣都抵呀。

都開咗差唔多成個月,今日先有時間實地考察灣仔茂蘿街動漫基地,掟完個Round,畀我嘅感覺係──好大好完善,好適合搞展覽搞Event,政府總算有心對港漫認真出力,著實不俗。

先照抄新聞稿畀大家睇睇先,動漫基地「是香港首個以動漫為主題、並結合活化二級歷史建築的人文藝術社區。它的落成,將為本地及海外動漫愛好者、業界人士及藝術家提供聚腳地。」所謂二級歷史建築物,即係茂蘿街同隔籬巴路士街一帶嘅建築群,以前俾街坊稱為「綠屋」嘅幾幢戰前古宅,家陣俾政府接收,喺盡量保留建築物歷史背景同建築結構嘅大前提下重新翻新,磚頭、屋簷、瓦頂、地磚係舊嘅,兩條空中走廊係新嘅,樓高三層,用白色做主調色,真係好有展覽館Feel,面積好大,環境超新淨,我擒日去到,仲隱隱然索到陣陣油漆味。

有心參觀,建議你先上三樓睇睇「動漫基地復修過程紀錄片」,了解呢個基地係甚麼一回事之後,再經過空中走廊落一樓同二樓睇展覽。「翼動漫花筒──香港漫畫歷史展覽」係唔可以錯過嘅,展覽區分區清晰,用年代劃分,由六十年代一直講到2010年代,舊漫畫日報、舊公仔書、兵器、Figure等等應有盡有,仲可以睇番昔日各漫畫家接受訪問嘅影片,資料搜集都算做得好足,誇啲講句,大學論文做個甚麼「港漫發展史」之類嘅題目,呢度大把資料任抄呀。唔明嘅,可以直接問導賞員,導賞員非常Nice,有問有答嗰隻,講個秘密畀大家知,守門口Counter嗰個妹妹仔仲好靚女添。

同期仲有另一個展覽叫「漫畫家的慾望」,呢Part削少少,或者我程度低喇,有少少睇唔明啲畫表達啲乜。嚟緊8月20至22日,將會舉辦「一個英雄的誕生──馬榮成漫畫作品展」,馬Sir完結《風雲》喇,都好應該撐吓佢場,向呢位漫畫家作致敬。

動漫基地(2582 0200)

地址:灣仔茂蘿街7號

查詢:www.comixhomebase.com.hk

不衡兩條空中走廊,一左一右。

不衡兩條空中走廊,一左一右。

連「小心地滑」膠牌,都有動漫基地Logo。

連「小心地滑」膠牌,都有動漫基地Logo。

樓層標示都花過心思,隱藏動漫基地Logo。

樓層標示都花過心思,隱藏動漫基地Logo。

地台磚係舊物,有差唔多上百年歷史。

地台磚係舊物,有差唔多上百年歷史。

瓦頂同橫樑都係舊物,不過當然翻新過喇。

瓦頂同橫樑都係舊物,不過當然翻新過喇。

大門口同二樓陽台,前身係「永昌隆五金」。

大門口同二樓陽台,前身係「永昌隆五金」。

建議先上三樓睇影片,了解動漫基地落成由來。

建議先上三樓睇影片,了解動漫基地落成由來。

三樓有展牌,介紹工程進度。

三樓有展牌,介紹工程進度。

用年代分展區,簡單清晰。

用年代分展區,簡單清晰。

小朋友對住比自己年紀仲要大嘅漫畫,深感興趣。

小朋友對住比自己年紀仲要大嘅漫畫,深感興趣。

舊漫畫任睇,睇完唔該放回原處。

舊漫畫任睇,睇完唔該放回原處。

上官小寶名作《李小龍》,old school封面好有親切感。

上官小寶名作《李小龍》,old school封面好有親切感。

舊漫畫日報,刊登黃玉郎名作《龍虎門》。

舊漫畫日報,刊登黃玉郎名作《龍虎門》。

黃玉郎《玉郎漫畫》

黃玉郎《玉郎漫畫》

狄克《情若無花不結果》

狄克《情若無花不結果》

無數展櫃,有心睇,一日肯定睇唔晒。

無數展櫃,有心睇,一日肯定睇唔晒。

各大漫畫家都出過兵器,成為唔少港漫迷珍藏。

各大漫畫家都出過兵器,成為唔少港漫迷珍藏。

「漫畫家竹旳慾望展覽」

「漫畫家的慾望展覽」

阿興作品

阿興作品

利志達作品

利志達作品