主頁, 動漫資訊, 潮玩新聞 — 09/08/2013 at 5:41 pm

海賊王飲水機復古飲袋裝水

一直都知草帽一夥好擦得, 如果唔係路飛都唔會一開場, 就拉山治入夥啦! 但估唔到連飲水都咁講究, 竟然要自己出返部ONE PIECE WATER SERVER!

其實呢部機係同日本飲水品牌FRECIOUS玩CROSSOVER嘅, 一共有三個版本, 分別為通緝犯版、偉大航道航海圖版, 同我覺得最正嘅索柏版! 唯一係佢公仔大大隻, 仲要係紅襯白, 真係靚仔到不得了!

據知原版機名係叫SIPHON SERVER, 係FRECIOUS原本非常熱賣款色; 個冷熱水龍頭掣, 仲要係全金屬、全電動架! 不過同我哋香港OFFICE用開嘅飲水機最大不同處, 係佢唔用水樽, 而改用水袋, 好處第一樣係冇咁重, 女士都好易動手換, 另一個好處係唔使回收樽, 唔會阻你地方, 而且個即棄水袋, 冇晒水、摺埋佢, 大唔過一個拳頭(37g), 真係非常有計哥!