fbpx
主頁, 其他, 影音新聞 — 09/08/2013 at 10:00 am

新片速報 呃晒!男扮女戴Bra一樣有罅!

by

1p

呃晒!俾佢Totally呃晒!呢個泰國Wacoal內衣廣告勁搞鬼,居然搵大隻仔戴Bra扮女人,勁在大隻仔唔自己除Bra,你肯定唔會懷疑佢係男兒身。

呢個廣告之所以咁搞鬼,輕快生動嘅背景音樂應記一功,大隻仔就更加唔使講啦,扮女人似十足女人。有幾似女人?唔到廣告中段,佢唔撕走眼睫毛、唔除大眼仔、唔抹走眼影同唇彩、唔除假髮,唔除Bra露兩點,音樂唔停一停,你都唔會愕一愕,然後會喺心裡面爆咗句:「OMG,原來係仔!」無吹水,真係睇到我擘大個口得個窿,大佬呀,未除Bra之前,佢真係有事業線架,淺就淺啲,但佢心口真係有罅架!呢個廣告好成功,不論男女都Draw到Attention,男嘅鹹鹹濕濕有女除Bra實睇,女嘅會驚嘆Wacoal嘅神奇效果,心思思想裝假狗者又會睇。好嘢,呢啲咪叫做創意囉,不得不服,不得不畀十個叻佢。