主頁, 動漫資訊, 潮玩新聞 — 08/08/2013 at 3:53 pm

《溫瑞安群俠傳II》完全版見街,關七小石頭重逢!

by
《溫瑞安群俠傳II》第一、二期,各$48。

《溫瑞安群俠傳II》第一、二期,各$48。

喺書展已經見到《溫瑞安群俠傳II》完全版第一二期,嗰陣心郁郁想買,但個心掛住影Cosplayer,所以最後無買到,依家見書報攤有,即買。
如果你同我一樣都係司徒劍僑Fans的話,呢九十六蚊一定走唔甩。記得初初出薄裝本嗰陣,好多友仔都鬼殺咁嘈,既唔Like關七變咗廢柴,亦唔明點解會搵天下第七做主角,更唔鍾意雷損、唐斬無厘頭四五個Page就死。睇睇吓,先發覺內裡大有文章,燕狂徒天下無敵、皇后求仁得仁、李沉舟神功大成等等章節都好扣人心弦,條時空交錯條橋玩得去盡,而小石頭去到最尾一期先出場亦係高潮所在。無收一漫年錢,亦無心幫司徒劍橋賣廣告,我係真心覺得《溫瑞安群俠傳II》好好好好好睇嘅,今次出完全版,熨銀封面精印、封面彩圖重新繪畫、重磅厚粉紙印製、兩本總共收錄八期書,真係值得撐吓。

資料來源:https://www.facebook.com/theonecomics