咁筍？梗係冇咁筍啦！限量o架！8月23日至26日喺灣仔會展舉行嘅電腦節，SCEH會推出呢個優惠，不過只限每日頭15名先可以呢個底價買機連配件同《ModNation Racer》，加多$199仲有埋8GB記憶卡同《Gavity Rush》。唔想買嘢都有嘢玩，會場會有《JoJo奇妙冒險 All Star Battle》、《GT 6》等9隻遊戲試玩，都唔啱？咁算啦，欣賞吓今日傳媒試玩會嘅囡囡同埋遊戲試玩片段啦。最後提提，聽日會公佈更多電腦節優惠詳情，另外都會出一段《JoJo奇妙冒險 All Star Battle》足本試玩片段同試玩感想，撐吓啦！
