今個星期幾多碟! 不過好多都係舊片, 所以唔使諗, 首選熱賣一定係《義勇群英之毒蛇反擊戰》! 錢兄話齋, 加咗韋斯布利士喎, 成件事即刻Man晒! 不過買碟方面真係幾頭痕, 單碟3D版報$248, 雙碟Boxset連第一集係$338, 相差$90, 係咪玩嘢先! 簡直係夾人買多次!
舊碟翻出熱賣之冠, 一定係《越空行者》, 好戲就公認架喇……不過, 唔係一早已經出咗BD喇咩? 所以今次咪出3D版囉! 聽講話效果幾好, 真係俾佢搾到乾!
舊片好戲仲有《烈焰熔城》、《The Beatles HELP!》咁啦! 不過最鬼馬係仲有HD修復版《巴士站》同《鐵漢柔情》, 瑪麗蓮夢露同貓王喎! 即係點? 我都未睇過喎! 所以咪要睇囉!話時話, 錢兄成日都話甚麼甚麼「鐵漢柔情」, 唔通佢係嗰個朝代嘅人? 果然真人不露相呀! 另外DVD仲有隻《柏林諜變》都幾勁吓, 超大製作, 打到飛天, 唔買就笨喇喂!
DVD Pro（2332 6326） 地址: 旺角奶路臣街 6E德發商場地庫B4舖 營業時間 : 1:00pm-10:00pm（公眾假期照常）
DVD
