fbpx
主頁, 編輯Blog — 05/08/2013 at 1:27 am

【編輯Blog】Reika:《衝上雲霄2》聽英國歌手Adele舊曲

by

音樂係我生活一部份,不過對我嚟講唔係高深嘢,同我為人一樣,乜類型嘅歌我都鐘意試聽,通常會喺搭車或者沖涼時開歌聽,最近睇《衝上雲霄2》經常播英國女歌手Adele嘅歌,由佢第一張碟《19》到第二隻碟《21》嘅歌都有播,仲有我當年好鐘意嘅《Chasing Pavements》,令我忍唔住又開返佢嘅舊碟嚟重溫。

Adele_19_FC copy

 

記得第一聽Adele係08年,當年仲好興買CD,佢嘅第一隻碟《19》,正正喺佢嘅年齡,我用咗少少零用錢買咗返屋企,呢位唱作新人當年好厲害,一出道橫掃多個音樂獎,絕對係一鳴驚人,當年嘅我覺得Adele把聲好特別,但係有啲老餅,不過音樂旋律易記好聽,唱腔好易觸動人心,失戀聽嘅話會喊得出。估唔倒最近睇無線劇會用佢嘅歌做插曲,而經過幾年時間,而家嘅我聽嘅時候,覺得好好聽之餘,仲會忍唔住回憶吓當年嘅自己,所以話,好多人成日話舊歌好聽,其實係因為音樂需要時間沉澱。

 

感性完之後,仲想推介吓張震嶽隻新碟《我是‧海雅谷慕》,全碟都好聽,最鍾意《上班下班》、《唉唷喂呀》同埋《無名的情歌》,唉,算啦,其實全隻都好聽好難揀。聽呢隻碟,你會好想放低所有工作去沙灘同陽光玩遊戲,聽完個人仲好積極,仲有,用KKBox聽《跑車與坦克》時,居然發現隻歌有隻音樂節拍遊戲可以喺手機免費玩,極有驚喜,可惜得一首有,點解唔整埋全隻碟呀?.

 

00

估唔倒聽歌都有得捽碟,我覺得呢個嘗試好OK喎!

估唔倒聽歌都有得捽碟,我覺得呢個嘗試好OK!