主頁, 動漫資訊, 潮玩新聞 — 04/08/2013 at 2:58 am

壽星仔四十周年紀念珍藏展──展品篇

by

OLYMPUS DIGITAL CAMERA

出乎意料之外,話晒上官小強縱橫畫壇四十年,但今次紀念展展品卻比預期少,不過少唔代表無嘢睇,貴精不貴多,件件展品都值得影相留念。

行入展區,先見到大大個展板文字介紹《壽星仔》歷史同上官小強威水史,轉個彎,眼前一亮,呢鋪勁咯,兩大幅牆貼滿各大漫畫家畫畀小強嘅阿壽畫板,雖然呢幾十幅畫板喺《壽星仔四十周年紀念特刊》刊登過,但書紙印刷始終係平面,印刷得幾精美都好,顏色始終比較暗啞,觀感始終及唔上睇實物,睇實物,你先可以真正欣賞到漫畫家嘅筆觸線條,一點一線都躍然紙上,完全係兩個Feel。行過兩步,射燈下有幾個玻璃櫃,裡面擺放咗大堆舊《壽星仔》、阿壽Figure同歷年推出過嘅精品;而玻璃櫃隔籬,仲有個披頭四致敬版攝影區,人所共知小強係The Beatles死忠Fans,連《壽星仔四十周年紀念特刊》封面都用披頭四大碟《Sergeant Pepper’s Lonely Hearts Club Band》做設計藍本,攝影區玩多次呢個概念,砌咗個阿壽、強記、彭蛇同火麻仁過馬路場景,都幾盞吓。

講到展品,不得不提Henry呢位仁兄,呢個小強Fans為向偶像致敬,專登製作咗幾個輕黏土公仔作為今次展覽之用。公仔主角當然係阿壽啦,精美到連小強都豎起手指公,喺《鐵將縱橫》裡面嘅〈上官公子專欄〉大讚佢手工好 ,最新作品有進擊之阿壽,Henry話:「擒晚漏夜做起,今日專登嚟送畀強哥嘅。」物輕情義重,就係呢亭嘞。

入場即派阿壽扇仔,中看中用。

入場即派阿壽扇仔,中看中用。

凌空掛起海報,離九里遠都睇得一清二楚。

凌空掛起海報,離九里遠都睇得一清二楚。

好友齊賀壽星仔,呢幾十幅畫板,夠珍貴咯。

好友齊賀壽星仔,呢幾十幅畫板,夠珍貴咯。

舊《壽星仔》漫畫,依家睇番,幕幕美好回憶襲心頭。

舊《壽星仔》漫畫,依家睇番,幕幕美好回憶襲心頭。

略嫌玻璃櫃太細,搞到精品擺得太過密密麻麻。

略嫌玻璃櫃太細,搞到精品擺得太過密密麻麻。

OLYMPUS DIGITAL CAMERA

Henry最新作品──進擊之阿壽。

Henry最新作品──進擊之阿壽。

現場逼爆人,想轉個身都難。

現場逼爆人,想轉個身都難。

馬榮成親筆阿壽畫板。

馬榮成親筆阿壽畫板。

 

李志清親筆阿壽畫板。

李志清親筆阿壽畫板。

 

小王澤親筆阿壽畫板。

小王澤親筆阿壽畫板。

黃玉郎親筆阿壽畫板。

黃玉郎親筆阿壽畫板。

袁家寶親筆阿壽畫板。

袁家寶親筆阿壽畫板。

柏迪親筆阿壽畫板。

柏迪親筆阿壽畫板。