fbpx
主頁, 偶像資訊, 潮玩新聞 — 02/08/2013 at 12:30 pm

新片速報 地獄訓練過程曝光 林書豪的汗水

by

aaa

球星風光背後負出嘅汗水,從來鮮為人知,NBA收咧,當其他球星掛住攬女劈酒享受陽光與海灘嘅同時,林書豪就獨自加操,仲將特訓過程掟上網,公諸同好。

Offseason,腰纏萬貫嘅林書豪都無偷懶,獨自前往美國佳得樂體育科學研究所(Gatorade Sports Science Institute)進行特訓。短片中,但見呢位候斯頓控球後衛喪踩單車練爆炸力、喪跑步練氣、捉閃燈練步法、扯橡筋練 腳力,仲玩埋Fit ball練平衡力,舉鐵餅、玩啞鈴就更加唔少得啦,汗,一滴一滴咁流,林書豪喘晒氣,就見到都戙佢辛苦。台上一分鐘,台下十年功,想成功,唔辛苦訓練係唔得嘅,如果唔自強,真係好難喺NBA立足,但願佢可以不斷進步,一開季就好似短片Last一個Shot咁,喺邊個位起手都射得入啦,加油呀!