傍晚時份, 我最享受就係放狗一刻, 唔係我鍾意執屎, 不過溜狗時總會有奇遇……「嘩! 好得意呀! 佢咬唔咬人架? 佢叫乜名呀?」其實我想問你叫乜名先真! 不過近排發現屋企附近多咗好多「帶狗雄郎」, 為咗增強競爭力, 我決定落啲本喇! 就係呢條LED狗帶!
用咗佢溜狗, 就算離半里遠, 都會俾人哋知道你放狗, 仲要五顏六色、閃吓閃吓, 非常Hill屎, 嗱! 實際功效都有架! 例如我最鍾意放城門河, 你知嗰度幾多單車飛嚟飛去啦! 單車友會因為條繩嘅LED燈, 離遠就見到佢, 就算小狗拉住你周圍亂跑, 都冇咁易發生車禍, 19.99美金! 係咪要買先?
