世間上有好多嘢明明無冇謂, 但總係叫你好想擁有! 例如美女攬枕啦、出完又出嘅舊膠達啦, 甚至係老婆呀咁! 最近我又睇中一件無謂嘢, 就係日本上海問屋出嘅「Webカメラ照準器付き USBスナイパー 」, 呢件嘢簡單理解就係電腦用嘅最強「塔防」!
原本佢只係一支BB彈槍, 不過用USB連上電腦後, 你就可以透過槍身內置鏡頭, 用軟件喺電腦 上作實時畫面瞄準, 槍身上下移動35度、左右120度, 雖然充滿死角, 不過Hea電腦冇乜嘢做時, 應該會玩得幾開心!
不過話時話, 連住電腦之後, 附近有乜Target俾我射呢? 家中兩隻小貓? 真心有啲唔捨得! 成日同我爭上網嘅老婆? 我又相當擔心個後果……再數就到得返我枱面嘅Figure同模型, 但隻隻都好有感情, 我反而驚我老婆攞呢支電槍嚟玩, 你知啦! 女人同動物一樣, 某啲位係冇性架! 價錢方面, 9,999円, 不過買之前要三思後果!
http://www.youtube.com/watch?v=h9zZN5sykyw
購買網址 http://www.donya.jp/item/25694.html