fbpx
主頁, 動漫資訊, 潮玩新聞 — 30/07/2013 at 5:42 pm

《神兵問天》創刊 故事唔知頭唔知路

by

aaa

黃玉郎《神兵問天》食住動漫節個勢創刊,封面依舊搵高手邱福龍操刀,依舊史詩式大堆頭靚到一絕,但內容呢?唔敢話差,但有啲睇到唔知頭唔知路囉。

利申,我只撐天子系列,神兵系列未睇過,所以身邊死忠黃玉郎Fans同我講:「你無睇開神兵,所以先睇唔明《神兵問天》創號刊嘅人物關係。」咁講,係絕對幫緊黃玉郎講好話,即係呢本新書只受老讀者,唔使照顧我呢個企圖新加入撐你場嘅新讀者啦,其實可以參考吓鄭健和嘅做法,佢推出《封神紀III》之初,頭兩三期都登番個故事回顧,花三兩頁篇幅講番之前《封神紀》同《封神紀II》講乜,等新讀者易啲入局,呢啲功夫,唔慳得架。

講番稿質,一百分我畀八十分,有近剛剛完結嘅《天子傳奇8蒼天霸王》九成水準,不過有幾格畫得求其咗啲,有一頁仲植錯字,旁白說明同公仔互相重叠咗,呢啲小錯,絕唔應該出現喺玉皇朝旗下刊物之上囉。至於以玄天邪帝同南宮問天嘅恩怨作為故事開首,我覺得OK,算佈到個局引讀者追睇落去,一句講晒,第二期會繼續買,黃玉郎請繼續加油。