fbpx
主頁, 動漫資訊, 潮玩新聞 — 30/07/2013 at 5:37 pm

HELLO KITTY走落朗豪坊 玩60’s老香港

by

HELLO KITTY 走過獅子山下@朗豪坊_1a

呢排商場活動真係多到有啲過份! 遲來嘅朗豪坊, 啱啱開咗個「HELLO KITTY走過獅子山下展覽」! 唔使講嘢, 當然係大大場景任影相又送精品嗰隻啦, 好彩我唔中啫! 身邊隻乸都唔中……不過佢嗰啲卡通式老香港場景, 又真係做得幾正咁喎! 你話唔係蝦毛Kitty就好啦!

齋睇相, 其實都相當有誠意, 場景包括有獅子山下、火車站鐘樓、天星碼頭、影樓、茶樓、大笪地戲棚、電車站、吉記大牌檔同開蓬跑車9, 設計相當緊湊, 個人最鍾意係電車位, 有互動性, 蝦毛感覺唔太重, 唔會話一街都係貓頭Pattern, 都唔算令人感覺太Over、太反感! 好似真係可以一影!

精品方面, 都真係花過吓心思, 當中包括有「紅白藍」小物袋、「雙囍」毛巾同「香港情懷」茶杯, 真心! 隻雙囍茶杯真係相當Cult, 可惜杯面四隻字就老土啲「香港情懷」! 你話如果用返萬壽無彊, 又或者天下無貓我覺得會正啲囉!

不過換領方法一啲都唔簡單, 購物滿$1,000再加$40換一款! ! 你俾我呀!?

HELLO KITTY 走過獅子山下@朗豪坊_大笪地戲棚 HELLO KITTY 走過獅子山下@朗豪坊_電車站 HELLO KITTY 走過獅子山下@朗豪坊_影樓

「朗豪坊x HELLO KITTY香港情懷系列」精品

「朗豪坊x HELLO KITTY香港情懷系列」精品