呢排商場活動真係多到有啲過份! 遲來嘅朗豪坊, 啱啱開咗個「HELLO KITTY走過獅子山下展覽」! 唔使講嘢, 當然係大大場景任影相又送精品嗰隻啦, 好彩我唔中啫! 身邊隻乸都唔中……不過佢嗰啲卡通式老香港場景, 又真係做得幾正咁喎! 你話唔係蝦毛Kitty就好啦!
齋睇相, 其實都相當有誠意, 場景包括有獅子山下、火車站鐘樓、天星碼頭、影樓、茶樓、大笪地戲棚、電車站、吉記大牌檔同開蓬跑車9個, 設計相當緊湊, 個人最鍾意係電車位, 有互動性, 蝦毛感覺唔太重, 唔會話一街都係貓頭Pattern, 都唔算令人感覺太Over、太反感! 好似真係可以一影!
精品方面, 都真係花過吓心思, 當中包括有「紅白藍」小物袋、「雙囍」毛巾同「香港情懷」茶杯, 真心! 隻雙囍茶杯真係相當Cult吓, 可惜杯面四隻字就老土啲「香港情懷」! 你話如果用返萬壽無彊, 又或者天下無貓我覺得會正啲囉!
不過換領方法一啲都唔簡單, 購物滿$1,000再加$40換一款! 嘩! 你俾我呀!?
「朗豪坊x HELLO KITTY香港情懷系列」精品