fbpx
主頁, 動漫資訊, 潮玩新聞 — 28/07/2013 at 2:30 am

2013動漫節──唔好Miss漫人偶匠

by
方潤生作品:Ultra鋼牙珍Robot

方潤生作品(聯乘甘小文《太公報》哨牙珍):Ultra鋼牙珍Robot

我無本網站編輯苦茶咁神通廣大,可以早一晚漏夜鼠入會場,惟有靠自己排隊啦。傳媒都要排隊?係,雖則我有Pass理論上可以免費入場,但一樣要排隊。

何解?因為條人龍實太長,由會議展覽中心經天橋排到落灣仔地鐵站,我足足排咗二十分鐘先見到傳媒接待區,先有機會Show pass行捷徑,熱到大汗叠細汗。心急,一入會場,或者好多人都會同我一樣,差啲Miss咗門口個「漫人偶匠──香港動漫人偶創意展」,其實呢個創意展好值得大家望望,作品好靚好有創意,值得大家閃番幾幅相掟上面書威威。 創意展由二十位本地人偶設計師,根據戙喺老尖「香港漫畫星光大道」嘅二十個本地漫畫人物鑄像,全訢創作二十個人偶展品。我最鍾意方潤生作品「Ultra鋼牙珍Robot」,將甘小文筆下經典人物哨牙珍變成鐵皮機械人,鐵皮俾人感覺硬蹦蹦閃閃令,今次仲哨牙進化為鋼牙,既過癮又搶眼。

湛紀恒作品「海虎」亦搞笑,搞笑喺邊?搞笑在手手腳腳頭顱身軀眼耳口鼻同埋頭髮全部都起晒角,簡介謂「以最原始幾何圖案展現海虎一百萬匹海虎爆破拳嘅最原始威力」,仲唔係向肥良致敬?係人都知肥良除咗「影印道」,就最叻將主角面相畫到方方正正,面同長方形,眼係微絲細眼,鼻係間呎鼻,唔知點解一見到呢個人偶作品,我就想笑。 畀貼士,參觀完創意展記得幫手做份問卷,剔幾個剔就可以免費得到一本漫集,漫集有二十個星光大道漫畫角色鑄像相片、漫畫原稿、作者創作歷程簡介等等,印刷精美,免費贈送記得攞埋,唔好蝕。

漫人偶匠──香港動漫人偶創意展

首站:香港動漫電玩節(7月26日至30日香港會議展覽中心)

次站:香港漫畫星光大道(8月17日至9月1日尖沙嘴九龍公園拱廊)

湛紀恒作品:海虎

湛紀恒作品(聯乘溫日良《海虎》海虎):海虎

 

梁沛樂作品:華英雄

梁沛樂作品(聯乘馬榮成《中華英雄》華英雄):華英雄

Afterworkshop作品:迴極破

Afterworkshop作品(聯乘邱福龍《龍神》龍神):迴極破

Miloza Mo作品(聯乘馬仔《我的低能之道》):馬仔

Miloza Mo作品(聯乘馬仔《我的低能之道》馬仔):馬仔

 

徐仲斌作品(聯乘王司馬《牛仔》):與牛起舞

徐仲斌作品(聯乘王司馬《牛仔》牛仔):與牛起舞

黃德偉作品(聯乘上官小寶《李小龍》):李小龍

黃德偉作品(聯乘上官小寶《李小龍》李小龍):李小龍

 

麥江盛作品(聯乘黃玉郎《神兵玄奇》南宮問天):初生之犢

麥江盛作品(聯乘黃玉郎《神兵玄奇》南宮問天):初生之犢

袁樹基作品(聯乘劉雲傑《百分百感覺》許樂):許樂

袁樹基作品(聯乘劉雲傑《百分百感覺》許樂):許樂

江志強作品(聯乘李志清《射鵰英雄傳》郭靖):郭靖

江志強作品(聯乘李志清《射鵰英雄傳》郭靖):郭靖

馬志雄作品(聯乘黃玉郎《龍虎門》黃小虎):虎門拯救行動

馬志雄作品(聯乘黃玉郎《龍虎門》王小虎):虎門拯救行動

林茂輝作品(聯乘李惠珍《13點》13點):13點

林茂輝作品(聯乘李惠珍《13點》13點):13點

太歲作品(聯乘《上官小強《壽星仔》壽星仔):壽星仔

太歲作品(聯乘上官小強《壽星仔》壽星仔):壽星仔

哈士奇魂作品(聯乘馬榮成《風雲》步驚雲):步驚雲與哈士麒麟

哈士奇魂作品(聯乘馬榮成《風雲》步驚雲):步驚雲與哈士麒麟

 

免費畫集,記得攞埋,唔好蝕。

免費畫集,記得攞埋,唔好蝕。