變形金剛中最巨嘅METROPLEX嚟咗動漫電玩節, 足25吋高, 係暫時使上最大隻變型金剛! 據知孩之寶嗰邊為咗隆重其事, 仲喺頭部同腿部加咗電鍍位, 跟機仲送博狂兩派12角色公仔, 都算落足本!
至於其他展覽攤位方面, SUPER ALLOY 1:6 Figure好搶眼! Hot Toys照舊係人氣王, 不過見佢成9點幾都仲係俾各間傳媒夾住影相, 相信通頂整都臨開場一刻, 都應該走唔甩!
《中華英雄》重畫就好多人都知, 原來仲出埋手機遊戲, 希望快啲出啦! 睇宣傳Banner會8月22號出書, 又係送勁多唔同版本同顏色赤劍, 哎! 如果要買齊都幾煩!
呢排勁Hit嘅《神魔之塔》都有擺攤位, 我偷睇到佢個遊戲內容, 即場抽卡會有石又或者Energy Watt送, Fans們留意了!
