Bandai嗰邊今年可以用一個睇字形容, 之前大家估到頭都爆嘅海賊王BF-38現真身了, 好大隻, 離遠睇我以為係個鼓嚟添! 其他S.H.Figuarts仲有美少女戰士同daft punk等公佈; 模型嗰邊幾充實, MG RX-78-2 VER.3.0有完成品、GUNDAM DOCKS AT HONG KONG RG香港特別版都有Show Display, 不過我裝過銷售部, 好似見唔到呢兩盒模型賣, 其他例如HG嘅DOOBEN WOLF同ZOGOK都有展示。
至於特別版模型方面, 真係非「特別地」係紙箱戰機, 而且仲係最最最多人鍾意嘅透明彩色版……真係善哉善哉, 大家可以慳返啲錢, 買吓其他嘢玩!
會場限定仲有隻FW嘅獨角獸高達醒覺模式, 儲開要留意了! 另外場中仲整咗個時代廣場GUNDAM DOCKS AT HONG KONG情景模型, 唔知點解, 硬係覺得個比例有啲問題……我建議會方可以攞去參加比賽, 應該會攞到唔錯成績! (提示: 睇吓佢啲白色人仔!)
