Kidslogic出超可動阿龍/豪鬼 史上最真最重質感

香港製造Egg Attack系列, 一向大把擁躉! War machine之後下一隻係乜? 今次動漫展中終於現真身, 原來係Iron Man Patriot, 而且仲係成隻重新做過晒, 一樣會着燈; 我都知好多人開始話佢食老本, 隻隻變化唔大, 所以今次就變俾大家睇, 場中見到一隻超巨型阿龍Figure, 超可動關節是全新開發, 更重要係好有皮膚質感, 加埋件真布做嘅衫, 我真係想打爆個櫃、即場攞隻返屋企! 據知仲有豪鬼版, 不過我係偷偷入場, 到我走時佢都未攞出嚟, 真係有啲飲恨! 不過大家今日土去到應該可以見到喇!

另一個非常爆嘅系列, 係天空戰記! 主角修羅特原成度已經相當高, 仲上埋色, 佢個死對頭夜叉王只有素色件, 但都已經見到好精細, 件衫仲照足原著可以變飛行形態, 完全正到冇朋友, 另外我仲見到千值練新品—GETTER 1同BLACK GETTER, 一樣係未上色素件, 不過你睇佢成身金屬, 一定重到不得之鳥, 咁有誠意, 真係要出多兩張相。