主頁, 潮玩新聞, 玩具資訊 — 26/07/2013 at 8:00 am

動漫電玩節龍頭 周二4點攞頭籌

by

001_01

 

動漫電玩節今日開波! 我知好多人仲喺門口排緊隊, 不過我噚晚已經偷咗入去! 嘻嘻! 趁呢段空檔, 先同大家八啲料; 聽講排頭位嘅Edmond(其實年年頭位都係佢排頭位!!!), 星期二、四點已經到咗會展等入場掃貨; 據知佢主力掃天下嘢! 仲係全掃乜都買齊嗰隻, 佢已經唱定六、七千蚊; 不過世事真係有咁啱得咁橋, 竟然俾我喺「漫.人.偶.匠」度撞到馬SIR! 你可能會問我, 有冇過去做訪問先……答案係冇! 因為我呆咗喺度喪影相、唔敢行埋去, 點解!? 佢係神嚟0架! 我唔知應該點開口同神講嘢喎!

至於COSPLAY, 未開幕都俾我撞到幾個, 我只可以用好勁嚟形容, 乜嘢勁? 咁你就要去女僕會館望望喇! 我都爭啲俾人捉咗去打籐! 至於掃貨攻略, 下段News即刻開始!

 

SONY DSC SONY DSC SONY DSC SONY DSC SONY DSC SONY DSC