fbpx
主頁, 動漫資訊, 潮玩新聞 — 26/07/2013 at 2:00 pm

新片速報:越玩越大,又嚟《壽星仔》紀念展!

by

2p連上官小強本人都話:「估唔到《壽星仔》四十周年,越玩越大。」繼《壽星仔四十周年紀念特刊》、水晶畫板同潮Tee之後,壓軸再嚟多個「壽星仔40周年紀念展」,阿壽Fans又有得大飽眼福嘞。 記住,下個禮拜六1:00pm,一定要去西九龍中心走一趟,當日會舉行「壽星仔40周年紀念展」揭幕禮,上官小強一定到場,有甚麼新書舊刊閃卡畫板或Figure,大可以即場搵佢老人家索取親筆簽名,同場仲有我偶像邱福龍,想合照,我諗佢都無任歡迎。紀念展除展出歷年《壽星仔》漫畫、精品、各報章雜誌剪存同讀者送贈嘅模型之外,仲有透明水晶畫板、Tee同《壽星仔四十周年紀念特刊》出售,千其咪走雞。另外,有小強Fans名為Adam Meiji K君,更為是次展覽剪輯咗條片掟上網,雖然呢條片只得背景音樂,內容亦不過係將之前出過嘅Poster、各大中小訪問稿、新舊相片同《鐵將縱橫》裡面嘅《上官公子》專欄炒埋一碟,但呢份熱誠真係好值得表揚,亦足見上官小強有幾受歡迎。 地址:西九龍中心 展期:8月3日至8月9日 畫板、Tee與特刊銷售點:西九龍中心D3 Gallery 查詢:www.dragoncentre.com.hk http://www.youtube.com/watch?v=FhMp4zSt5Nc