fbpx
主頁, 動漫資訊, 潮玩新聞 — 24/07/2013 at 5:41 pm

跟足日本漫畫雜誌 《熱血少年》投票換稿?

by

5p

呢個世界真係乜都有,印象中真係破天荒第一次,居然有本書一創刊就話換稿,《熱血少年》上周六見街,家陣都未夠一個禮拜,就話想大執內容,牛佬搞邊科呀?睇得《爆漫》多?

本人真金白銀睇港漫廿年,從未見過有公仔書可以第二期就大改,黃洋達搞鬼呀?喺面書專頁搞「偽民主投票」,歡迎讀者留言投票,唔Like邊兩個古仔,即Out!邊部作品第二期就應該斷纜?逐個數,〈茅山高校〉畫風係古怪啲,但我睇咗網上版小說,有感情,所以唔捨得佢Out;〈一千零一〉畫功好正,短篇篇幅剛剛好,我又係好Like;〈枕草紙〉雖然唔多夠驚慄,但當N年前《怪異集》咁睇,我又覺得幾OK喎。計我話,要Out就Out〈密殺戰群〉,故事好似弱咗少少,公仔又畫得比較小學雞,一定要Out的話,捨佢其誰?牛佬雖然係我偶像,但〈古惑B〉實在太見慣見熟,倫裕國畫風千年不變,模式同《古惑仔》裡面嘅〈古惑學堂〉無大分別,要Out,不如Out牛佬啦,作為一本綜合性漫畫雜誌,多啲新鮮嘢睇,始終好啲。

資料來源:https://www.facebook.com/passionteens