fbpx
主頁, 動漫資訊, 潮玩新聞 — 20/07/2013 at 5:13 pm

劉雲傑最新愛情繪本 《Facelook 02》講人生道理

by
《Facelook 02》$128

《Facelook 02》$128

與其話《Facelook 02》係純畫集,不如話係愛情繪本,劉雲傑透過佢觀察到嘅年輕人,藉佢哋嘅愛情觀、朋友觀同價值觀,大講人生道理。

林祥焜出名畫女仔靚,但靚極,個人認為始終差劉雲傑零點零零零零零一班,《Facelook 02》每張畫都靚到無可挑剔,九十後睇,可能會發現內容講緊自己,畫中人有自己影子;八十後睇,應該會睇得好投入好有共鳴,好想跳入畫談一場戀愛;七十後睇,大概會懷緬逝去嘅青蔥歲月,大嘆身邊的人不是自己最愛的人。劉雲傑唔只畫畫叻,寫字亦唔錯,咁講並非誇讚佢係甚麼才子,佢叻在只需要簡簡單單三五七十字,就能動觸你心靈,一石激起千重浪,實在實在太多太多精警句子嘞,個人精選如下── 「希望在人生路上,找一個人去完全依賴的想法是危險的。即使是你的影子,也會在黑暗的時候從你身邊消失。」 「要學識自己同自己好好相處,如果自己唔識照顧自己,基本上無資格去談一場會開花結果嘅戀愛。」 「曾經有人說過,愛情的喜怒哀樂,一切但憑感覺。但今天我們的感覺卻似被資訊泛濫的時代浸淫得麻木了,愛情可能變得只是瞬間的發現>認識>吸引與終結的過程。」 「女生會要求身邊男生簡單專一,同時又會希望經常為她帶來驚喜。一把能夠打開心鎖的鎖匙,怎樣能打開這麼多的門呢?最終可能落得筋疲力盡!但當女生找到一個擁有百合匙的男人,是福還是禍?」

8p (3)

9p (4)

10p (2)

11p (2)

12p (2)