fbpx
主頁, 動漫資訊, 潮玩新聞 — 20/07/2013 at 5:08 pm

《熱血少年》創刊 黃擎峯〈茅山高校〉最好睇

by
《熱血少年》$22

《熱血少年》$22

《熱血少年》新鮮滾熱辣到手,好興奮,揭兩揭來個快速Scan,比之前肥良嗰本《海洋瘋狂》高質素得多咯,同樣係綜合漫畫雜誌,牛佬加黃洋達呢個組合無疑強得多。

第一頁,先有黃洋達專欄〈笑死朕〉,文章提到「香港,正在進行一場文化戰爭,外來的極權,千方百計要摧毀本土文化……當本土文化被消滅,本土價值被遺忘,香港人也將消失……忽然,我們發現,本土漫畫,也許是一個被遺忘的戰場。」言下之意,就係希望透過全本地製作嘅港漫,去挽救我哋嘅本土文化,或者有人睇到呢段文字會大起雞皮,或者會寸黃洋達懶係有嘢,乜都要政治化,但唔係吹水,我睇完,唔好笑我喎,我真係Feel到有少少熱血。 講番正題,咁多個古仔當中,個人認為黃洋達/黃擎峯〈茅山高校〉最好睇,故事節奏明快,幾頁紙已經交到人地時等背景資料,畫功未必出眾,睇唔慣的話,你甚至可以話啲公仔核突,但如果你睇公仔書只求精細畫功的話,咁你只不過係個低層次漫畫迷。馮展鵬〈一千零一〉亦唔錯,講負責行刑嘅劊子手雖然殺人如麻,但人性不滅,不忍殺細路,改而舉槍殺自己的上司,畫稿全黑白,故事成個Tone好陰沉。至於門小雷嘅所謂驚慄漫畫,就略嫌唔夠驚慄,倫裕國〈古惑B〉就得啖笑咁啦。總括講,成本書整體質素全達90分以上,惟一要挑剔係江康泉〈獵魂之翼〉,旁白說明用錯色,白底白字根本睇唔到寫乜,希望下期有所改善喇。

黃擎峯〈茅山高校〉

黃擎峯〈茅山高校〉

江康泉〈一千零一〉

江康泉〈一千零一〉