主頁, 動漫資訊, 潮玩新聞 — 19/07/2013 at 12:00 pm

親筆簽名《壽星仔四十周年紀念特刊》,買到手喇!

by
ccccc

《壽星仔四十周年紀念特刊》$128

擒晚,我專登搭程車出旺角信和買《壽星仔四十周年紀念特刊》,上官小強好好人,除咗醒我親筆簽名,仲肯俾我影番張靚相添,呢$128,抵畀呀。

講足成年,當真千呼萬喚始出來,你哋買咗《壽星仔四十周年紀念特刊》未呀?厚厚一本拎上手好實在,內容豐富到爆炸,淨係睇各大中小老中青香港漫畫家幫小強畫嘅阿壽親筆畫板,已經值回票價,云云親筆畫中,無計,始終都係邱福龍嗰幅最靚,構圖係阿壽同異形互睥,真係靚到無得頂。其他精采內容仲有漫畫家們賀詞、《壽星仔》誕生歷程回顧、精選封面、香港漫畫星光大道同各大報章專訪輯錄、歷年推出過嘅書刊精品贈品介紹、私相簿、重新繪畫嘅四格漫畫、小強至愛The Beatles十首歌等等欄目。揭每一頁都有驚喜,真係可以用「愛不釋手」四個字形容,如果自問係港漫死忠Fans,呢本紀念特刊一定要買,買完記得同小強合照,信我,佢老人家好友善,一定唔會托你手踭。

售賣點:壽星專門店(2359 4001)

地址:旺角信和中心2樓241號舖

小強好好人,搵佢合照留念喇。

小強好好人,搵佢合照留念喇。

親筆簽名,小強手字都好靚。

親筆簽名,小強手字都好靚。

bbbbb