主頁, 動漫資訊, 潮玩新聞 — 18/07/2013 at 1:51 pm

司徒劍橋《拳道》創刊 由屋村仔講起

by

111111

司徒劍橋《拳道》擒日創刊,封面設計好平實,唔玩甚麼跨三四五六封面,係咁意書名用熨金字,購圖係一身李小龍《死亡遊戲》造型嘅男主角,揸住拳頭擺Pose,扣晒題,大黃Tone,擺喺報攤好搶眼。
今次出新書,唔討論畫功,想講講創刊詞,老劍寫創刊詞有咁嘅慨嘆,依家原文抄錄如下:「好多人話:『喂,小子成長橋唔Work架喇!第一期就要打鑊金,要大場面,要人山人海,要乜有乜,最緊要抵睇!仲有,主角一出場就應該係宇宙第三強,力拼宇宙第二強,再戰宇宙最強,勁呀!讀者無咁好耐性你啲角色慢慢成長架啦!』」老劍唔認同呢個論調,反而認為「絕大部份的經典漫畫主題都是主角從劣到強,由低至高,在成長過程中不遇上考驗及試練,直至悟出人生的意義,步向自己的『道』。」

我覺得老劍講得啱,我每個禮拜買十本港漫,斷估都夠資格講番兩句說話,我諗我同大部份死忠港漫Fans一樣,都唔會因為創號刊無打鑊金、無大場面而覺得唔抵睇,只要故事鋪排得叻,言之有物,情節高潮迭起,就自自然然吸引到人捧場,所以老劍你千其唔好人云亦云,就一切由第五座屋村仔阿力嘅鐵甲飛拳開始,等大家估吓書末出場嘅疑似青蜂俠係乜水,我大把耐性慢慢睇你撚好個故事,努力加油呀。