fbpx
主頁, 偶像資訊, 其他, 影音新聞, 潮玩新聞, 編輯Blog — 17/07/2013 at 11:13 pm

【編輯Blog】Reika:繼續《衝上雲霄II》包青天都玩

by

今個星期遲咗三日先交編輯Blog,因為我真係好忙,忙住每晚追睇《衝上雲霄II》,同時間又忍唔住追睇網上面嘅討論、改圖、改歌等等,為咗表達對林子祥唱主題曲嘅不滿,網民大肆改歌詞發洩,最新有包青天主題曲配《衝II》,效果夾到絕,我聽一次笑一次。

000002546099_1373258859

 

「天氣不似預期,但要走總要飛」,由陳奕迅唱嘅《歲月如歌》雖然係11年前嘅主題曲,但今日聽返都潮過首新歌,唉。有網民將《歲月如歌》配返今集《衝上雲霄II》嘅片段,效果襯到絕。不過監製話原來《歲月如歌》版權問題好麻煩,唔可以喺大陸播呢首主題曲,喂,香港劇,你點解唔淨係香港用返舊歌呢?除非你諗住靠怪招宣傳‥‥‥

另外有網友口痕話收倒秘聞,之所以會搵林子祥唱主題曲,係因為有人問監製搵邊個唱主題曲好,監製諗住搵返主角之一張智霖,不過用咗英文答佢,即係Chi Lam Cheung,個傻仔以為係Lam Chi Chueng,所以變咗阿Lam‥‥‥呢個講法都講得通,吓?你唔係信啩?

另外我哋都有讀者技癢喺facebook分享咗呢首《歲月如歌》嘅改編詞,又女神又法拉,啲音仲幾夾。不過都係唔夠包青天配《衝上雲霄II》咁絕配,自己慢慢睇片欣賞。
讀者King Leong – facebook分享:「風格不似預期, 但要睇總要聽, 望望MV也可以, 不管有沒有FEEL, 呢次都有杏兒, 但我知, 原來沒有智霖, 絕不可以, 又望下女神又見法拉了, 江美儀再來床戲, 她會在馬明懷抱中搶戲 ~」

補充一句,我唔明點解要有個細路女仲要係鬼妹扮Zoe,好好笑咩?見倒Sam哥情深款款chok住咁望實鬼妹仔Zoe,我有啲毛管楝。同埋張智霖真係好chok呀!!

1

最後我有個心願,想今個星期翻睇返《衝上雲霄I》,係咪太奢侈?

 

包青天  配《衝上雲霄II》

歲月如歌 配《衝上雲霄II》

 

網站:http://programme.tvb.com/drama/triumphintheskies2/