fbpx
編輯Blog — 14/07/2013 at 5:55 pm

【編輯Blog】苦茶:DIY版Candy Crush蛋糕 Tasty!

by

SONY DSC

 

 

有日出街食飯, 見到成班小妹妹搞生日會, 佢哋攞咗呢個蛋糕出嚟! ! 好勁呀! Candy Crush味道呀! 我心裏面忍唔住叫咗聲Tasty出嚟! 衝口而出問佢哋邊度買:「我哋自己整0!」 你睇側邊啲唧花幾工整, 再睇上面個畫面, 雖然設計好簡單, 不過我覺得簡單得嚟又幾靚喎! 甚至比出面街啲乜乜西餅整嘅比卡蕉、Auntie Birds蛋糕, 設計更見心思、更似原裝正版!

好希望嚟緊生日, 老婆會整個渣古蛋糕俾我……不過我知冇可能……如果呢班可愛小朋友見到呢張相的話, 我喺度同CiCi再真心講一次, 生日快樂、身體健康、同我想要渣古蛋糕!

其實近排Candy Crush真係有啲人氣下滑趨勢, 冇計啦! 300排後, 唔係純技術問題, 係佢俾唔俾你過先係問題, 遊戲係要公平0! 屈機我都唔會俾錢買糖0!!!

最近個勢, 好似係去咗神魔之塔度! 其實我之前都有玩, 不過曾令我更沉迷嘅, 係「原裝正版」Puzzle & Dragon! 講轉珠遊戲, 佢先係大佬, 畫面靚! 完全係超班嗰隻啦! 再加埋Crossover不同漫畫同動畫, 手機戲嚟講, 佢都算係諗橋諗到好盡!

咁點解香港同其他地區都係神魔Hit啲呢!? 原因好簡單, 日本手機Game玩封關政策! P&D其實係一隻只有日本本土手機用戶可享用嘅遊戲……不過唔使講嘢, 大家第一時間抽佢個apk檔出嚟、香港照玩啦! 不過佢哋破解呢種Hack apk玩嘅方法亦好簡單, 不斷Update Version、等你玩吓又停吓, 煩到你唔想玩為止! !!!!!!!! 當中最經典係笨大出嘅高達Card Game, 我試過一個星期搵兩、三次apk, 跟住我同佢講:PK啦你!」之後我就再冇玩喇!

其實0依家日本經濟已經去到超差嘅境地, 點解明明可以搵錢嘅嘢, 要玩封關政策呢!? 動漫同Game界成日話諗唔到新題材, 遊戲漫畫題材每每翻兜又翻兜!? P&D同高達Card Game又係乜嘢嚟呢!? 你話如果呢兩隻遊戲打入香港或其他地區市場, 又將會意味着有幾多周邊產品可以推出呢!?

同埋我喺度求吓你! GUNDAM BUILD FIGHTERS唔好出呀! 睇見都知、係死路一條! 小朋友向、舊機體手腳變粗再重出、仲要係HG……你知唔知0依家RG最平開價幾多? $135! 你話你隻肥版HG可以叫到幾多錢, 大家同比例喎! 我唔想冇模型砌, 我唔想個個星期影玩具、但冇玩具玩, 日本公司真係好固執!