fbpx
主頁, 動漫資訊, 潮玩新聞 — 13/07/2013 at 2:32 pm

黃洋達網上小說《茅山高校》 結集成書

by

高校

今個書展,黃洋達都湊湊熱鬧,將其網絡小說《茅山高校》結集成書。拋開政見,撇除黃洋達背景同政治理念,再學倪匡話齋:「書只有好睇同唔好睇之分。」咁個人認為,呢本書屬於好睇一類。

《茅山高校》會喺7月17日書展「熱血時報」攤位發售(Hall 1A-B26),暫時未知定價,黃洋達話:「小弟的《茅山高校》,換個角度去看中國分裂問題。」中國分裂咁誇張?查實睇小說啫,唔使睇到咁有深層意義嘅,我睇過網上版,發覺佢可以將神呀魔呀仙呀妖呀炒埋一碟,而背景居然係仲未有全民普選嘅2047年,呢個時空定位已經非常有趣。主角係個成世都行衰運嘅少年人余吉,佢點樣同茅山術扯上關係,又點樣透過溝女而拯救全世界,呢個題材好新穎吓,值得捧場。

資料來源:https://www.facebook.com/passionteens