fbpx
主頁, 動漫資訊, 潮玩新聞 — 13/07/2013 at 2:25 pm

牛佬小說《陳浩南傳奇》 書展開賣

by

封面

都係食老本之作喇,用第二個媒體希望港漫迷乖乖畀錢,今次牛佬唔出漫畫,改出首部個人小說《陳浩南傳奇》卷一之「友情歲月」,我呢個天字第一號牛佬Fans就撐硬架嘞。

黃洋達咁評牛佬手字:「牛佬,牛師父,他學歷不高,可是他的文字造詣,卻超過不少文字工作者,這是他對創作的堅持與尊重,讓我等自稱靠文字維生的人,感到汗顏。 如此愛好文字,尊重文字,擅長描繪人物,擅長精煉對白的牛師父,說要寫一部小說,叫人怎能不期待。」我都好期待,小說初頭喺《古惑仔》漫仔裡面連載過十期八期,文字短短,我期期追晒,或者同我都係屋村仔有關喇,所以睇牛佬寫陳浩南、張潮喜同飛機文點樣由屋村仔煉成大佬輩,睇得份外有畫面同投入。 初步消息,《陳浩南傳奇》會喺7月17日書展「熱血時報」攤位率先發售(Hall 1A-B26),暫時未知售價,唔知牛佬到時會唔會落場呢,我想搵佢攞番個親筆簽名呀。

資料來源:https://www.facebook.com/teddyboyofficial