《Hitman: Absolution》喺官方fb貼咗張型到爆嘅相，主角Agent 47喺高樓大廈天台拎住把狙擊槍，盡顯殺手嘅孤單同男人嘅浪漫。而海報仲話聽日(10日)有新資料公佈，不過未到大日子，都有雜誌新聞流出喇！
未到10號，最新一期嘅外國遊戲雜誌《Game Informer》就有一頁講話喺GameStop購物網站訂購遊戲，就可以即日開始有得玩遊戲嘅獨立先發章節《Hitman: Sniper Challenge》，仲可以同之後出嘅遊戲正傳連動，多咗把狙擊槍！見到Sniper呢個字，我真係好想即刻上網訂，不過，海外訂唔到噃，點先？遊戲將會有PS3/Xbox360/PC版本，2012內推出。