主頁, 動漫資訊, 潮玩新聞 — 09/07/2013 at 8:05 pm

姆明歌妮踩落The ONE 好想要史力奇口琴頸鏈

The-ONE-x-MOOMIN盛夏行樂列車

小肥肥一族……對唔住! 官方係叫「姆明一族」! 會喺The ONE、皇室堡、銅鑼灣地帶同東角Laforet搞咗個聯展, 由即日起到9月1號會任大家影相同送買嘢送禮品; 其實我真心唔知, 原來今年係姆明作者Tove Jansson嘅100歲誕辰, 所以先玩到咁大!

咁多個商場, 玩得最大又最靚嘅必定係The ONE, 因為佢有一架大火車做大佈景, 而且隻1:1公仔真係做得幾有質素吓, 但唯一可惜係人扮Cosplay就有啲趕客! 據知去玩去買嘢仲有機會送你限量版史力奇迷你版口琴頸鏈、限量版姆明木碗、限量版亞美立體造型童裝雨衣同限量版亞美雨傘, 但詳細入手方法就暫時未有公佈, 有時間就走埋去CS櫃枱同靚女姐姐吹吓水、自己收風啦!

如果唔想望天打掛嘅, 仲有一個方法!The ONE喺呢段活動期間, 仲會開設一間叫MOOMIN POP-UP STORE嘅走鬼檔, 裏面都會有姆明產品賣！當中最搶眼必定係同香港品牌Ginger聯手打造嘅期間限定「姆明一族」Tee, 據知只要你喺商場內購物, 就可以用半價嘅$175換購呢件姆明黑色別注版Fashion Tee。