fbpx
Mobile games, 主頁, 手機/電腦 — 04/07/2013 at 2:00 pm

免費手機新Game:生命等於跳躍

by

虛空拉條直線當彈弓床,大眼妹會唔會跌死,睇你嘞。

紮馬尾萌爆大眼妹,生命等於跳躍,跳呀跳,不斷取分強化自己,一旦跳唔起,就即刻向閻羅王報到,「Hair Girl Jump」成個遊戲大致係咁。

作為玩家嘅你,負責為大眼妹準備彈弓床,每當佢跳完就快著地一刻,你就要虛空拉條直線,作為彈弓床俾佢繼續跳躍。想大眼妹跳幾高、跳去邊個方向、垂直跳定依拋物線跳,就睇你張彈弓床Set成點嘞。每次跳躍,大眼妹都可以取金幣武裝自己,久唔久仲會Offer飛行器,幫助大眼妹一飛衝天,連彈弓床都可以慳番。點解話難玩?一,大眼妹跳得快但踢得亦快,一個唔留神好易Miss;二,拉條直線當彈弓床,但條線好短,好多時明明夠時間拉線,但拉得唔夠長,搞到大眼妹活生生跌死,所以幾時拉線、由邊度開始拉線、拉線角度等等,都要計算得好精準,如果唔係?一失足成千古恨囉。

iPhone下載:https://itunes.apple.com/hk/app/hair-girl-jump/id662954352?l=zh&mt=8

好鬼死鍾意呢個大眼妹,畫得勁可愛。