fbpx
Android, 主頁, 手機/電腦 — 06/05/2012 at 6:28 pm

韓國LTE2五月開賣 喪玩隔空叉電

by

暫睇相片比例,應該起碼有4.8”或以上。

香港LG Optimus LTE啱啱開賣無耐,韓國LG已經傳出加推LT2新版,你以為同車一樣玩少改款?錯晒!加大到2GB RAM、新+AP芯片技術,整合手機底板後,令電路板變得更細、更緊密,好處係有助散熱同會比LTE更慳電,據稱續航力增加40%!

不過講到最開心,都係呢部LTE2「內置」對應無線充電功能!大家手上部iPhone,我知着Suit後都可以玩到,但人哋係「內置」囉,感覺蕭灑好多,唔使好似你包到成隻糉咁款;另外,由於佢個無線叉電器,係採用咗「世界無線充電協會」(WPC)嘅標準制式,所以就算個原廠叉座,唔小心俾你跌爛咗,甚至見到「不知名」無線叉座,只要見到有WPC字樣,你就可以當佢「WC」一樣,放部機上去坐一坐──叉電,你都咪話唔盞鬼!

作業系統現知會採用Android 4.0,而且仲Hi玩「面部辨識 開機解鎖」,不過其他硬件配置,未有進一步資料。韓國出機時間5月中旬,唔知香港幾時返貨呢?

主介面明顯係自家嘢,按圖索驥,好似幾簡單易用。

呢個就係叉座,底部仲有軟膠吸實部機,返到屋企仲可以當佢機座。