主頁, 影音新聞, 電影 — 03/07/2013 at 11:08 am

新片速報:葉念琛《第一次不是你》又見盧海鵬

by

《十分愛》、《獨家試愛》、《天生愛情狂》……葉念琛擅長拍愛情小品,唔使億億聲投資,唔使大牌明星,就算用新人都一樣拍得出好戲。

今個暑期,葉念琛有套《第一次不是你》排隊上映。Cast方面,男主角叫馬志威,我認真Search過,原來佢有花朵叫「翻版關楚耀」,專拍MV,不過Sorry,我諗連關楚耀都未必咁多人識,家陣仲要翻版,知名度照計應該好一般;女主角叫蔣家旻,睇名無人識,但一見樣就實認得佢,佢係TVB二三線小花,唔算超絕色,勝在青春有活力。睇完呢條Trailer,估計故事都係講窮家女為養家不得不出賣肉體,男友你明知女友晚晚出賣肉體,口話唔介意,心有幾廿萬條刺,兩個名不經傳嘅新人,演唔演得出電影主旨「我曾經介意過你,但我更介意失去了你」呢?拭目以待嘞。值得一提嘅係,呢套戲又見盧海鵬,飾演女主角阿爸,呢排套套港產片,都幾乎搵到鵬哥蹤影,你都咪話佢唔紅。