如果你認得呢隻任天堂80年代推出嘅R.O.B.機械人，你應該係一個好資深嘅機迷。呢隻當年隨FC豪華版推出嘅贈品，日本人稱呼佢為FC機械人，同步仲推出咗《Gyromite》同埋《Stack-Up》兩款對應遊戲，我懷疑彼思嘅Wall-E造型都係參考佢。最近有外國有玩家將R.O.B.改裝成枱燈，雙手可以擺左擺右，仲可以夾住支筆，好有童年回憶。枱燈喺外國網Etsy有得賣，港幣一千蚊唔駛，不過得一千零一隻，手快有手慢無。
懷舊回帶：見過嘅回味吓，未見過嘅開吓眼界。
網站：http://www.etsy.com/listing/127813709/nintendo-nes-rob-the-robot-rare-vintage?