主頁, 潮玩新聞, 玩具資訊 — 30/06/2013 at 2:21 pm

網圖分享:雕~你個西瓜!紅過劉德華!

by

嘩,真係熱死人嘞,氣溫動輒過三十度,臭汗淋漓成個人立黐黐,有乜好過跳入冷氣房咬番個西瓜?西瓜不只消暑,仲可玩性高,大一大個任你雕,雕完先至食,都唔知幾過癮。

唔信?請睇睇以下相片,原來西瓜都可以變臉,西瓜皮本身已經係一張臉譜;又原來西瓜可以劈開兩邊當Bra戴,問題係你敢唔敢戴上身。切開佢一半,插幾支蠟蠋,將就吓可以變生日蛋糕,再唔係,花啲心思雕起啲肉,仲可以變一朵抽象派玫瑰花添。不過講到最有創意,始終係賣西瓜嘅小販,一句「西瓜1.2元/斤 紅過劉德華」已經夠你笑爆嘴。西瓜,你帶畀人咁多歡樂,我愛你呀。