fbpx
主頁, 潮玩新聞, 玩具資訊 — 04/05/2012 at 4:43 pm

HT復仇版雷神 冇植髮$1,230開訂

by

繼噚日喺fb滲咗變型俠醫Hulk個包膠body之後,今日就有大量雷神新圖出現,亦即係即日開始開訂。價錢$1,230,冇之前大家渴求嘅植髮頭雕,不過個樣同把頭髮都靚過舊版好多,咁你買唔買?容唔容許屋企復仇者系列唔齊人?

《復仇者聯盟》逐個登場,繼美國隊長之後,就係雷神Thor。其實同舊版分別好大,套衫同個頭就梗係唔同啦,而且頭雕表情都生動咗。不過,網友就話個額高咗唔多似,下面有相不妨對比下,仲有,佢哋仲擔心做唔到舉高個搥吸電嘅招牌動作,係都幾大件事。而且呢個版本冇大家期待嘅植髮頭雕之餘,仲要冇埋舊版嘅頭盔,但就多咗能量方塊個儲存器。$1,230開訂,年內推出。