呢隻狐狸好很頑皮，坐唔定，經常攬住支火箭飛上天，作為玩家，你要控制佢飛行方向，要由一個火箭基地送佢去另一個基地，火箭燃料耗盡佢就會跌番落地面，跌唔番去另一個基地就死得。
狐狸出名古惑，「Rocket Fox」呢個Game都好Tricky，唔同顏色基地o既火箭都有唔同動力，紅色火箭飛得低o的，藍色飛得高o的，淨係預隻狐狸飛得幾高都有排頭痕。另一難玩之處，在於唔係橫向式見關過關咁平面，視角改用o左垂直俯瞰，所以上下左右會出現偏差，久唔久火箭仲會爆開大放煙霧，旨在迷惑你視線。提提你，玩陣要以基地為焦點，移動手機控預計狐狸跌落o黎o既位置，而唔好一味望實隻狐狸飛去邊，明白無？
iPhone下載：http://itunes.apple.com/hk/app/rocket-fox/id485869215?l=zh&mt=8&ls=1
簡單英文介紹玩法，唔明查字典啦。
拿，跌唔番落藍色基地，死得！
「Launch the 4 Flowerrockets」，每關有顯示要飛向幾多個基地。